مولانا واضح رشید حسنی ندویؒ کی وفات پر ابوظبی میں تعزیتی نششت کا انعقاد
مولانا واضح رشید حسنی ندویؒ کی وفات پر ابوظبی میں تعزیتی نششت کا انعقاد گزشتہ شام مورخہ ۱۹ جنوری ۲۰۱۹ بروز سنیچر بوقت رات ۹ بجے شب متحدہ عرب امارات میں مقیم ابناء الندوہ نے حضرت مولانا واضح رشید حسنی ندوی علیہ الرحمہ کی وفات پرملال پر ابوظبی میں مولانا فیضان ندوی کے رہائش گاہ پر ایک تعزیتی نششت کا انعقاد کیا۔ جلسہ کا آغاز مولانا عقیل ندوی کی تلاوت کلام پاک سے ہوا۔ نششت کے کنوینر اخلاق الرحمن ندوی نے حاضرین کا استقبال کیا۔مجلس میں ابوظبی کے علاوہ العین اور دبئی میں مقیم متعدد ندوی فارغین و فضلاء شریک ہوئے جن میں العین سے مولانا نعمان ندوی اور دبئی سے مولانا اسامہ ندوی خاص طور پر قابل ذکر ہیں۔اس موقع سے مولانا نعمت اللہ ادریس ندوی اور سید جمال ندوی نے مولانا مرحوم کے علمی، ادبی، فکری او ر صحافتی کارناموں کے مختلف پہلووں پر مفصل روشنی ڈالی۔ شرکاء نے مولانا کی وفات کو عالم اسلام اور امت مسلمہ کے لئے ایک عظیم خسارہ قرار دیا۔ آخر میں مولانا فیضان ندوی صاحب نے شرکاء کا شکریہ ادا کیا اور دعاء مغفرت پر نششت کا اختتام ہوا۔ ****